Therav sa aa gaya hai zindagi mein aisa,
Jaise,ruk gai ho ghadi ki suian,
ruk gayi ho sagar ki lehren,
subah ke samay bhi chand taare de rahe ho pehre,
dhadkane hi ruk gayi ho,
zindagi maut ke dhaage se jhul rahi ho,
isi therav ka arth khoj raha hoon
jab kalam chalna band ho jaye,
jab koi kaam soojh na paye,
aise, yeh kaise pal hai,
ya fir mera jeevan hi ek chal hai,
isi therav ka arth khoj raha hoon
jaise, chad ki oor taake hai chakor,
jaise, surajmukhi jhuke sooraj ki oor,
pal bitte chale jaate hai,
fir bhi thahar jaati hai zindagi
jaise, zindagi kisi mor par ruk gayi ho,
kisi ke intezaar mein jhuk gayi ho
ghadi tik tik karti rehti hai,
samay ki dhar badalti rehti hai,
fir bhi, agar samay rukta nahi,
toh kyun vridavastha mein bhi yovan goonj uthta hai,
kyun maran uprant bhi aadmi ji uthta hai
agar yeh pal chal nahi toh aur kya hai?
zindagi ka sunehra sapna dekar bhi bhagwan vifal nahi toh aur kya hai?
No comments:
Post a Comment